Aupa, baztandarrak!
Gaurgero batzuek ezagutzen baduzue ere, Euskal Herriko Oinherri egitasmo pedagogikoaren barnean dagoen Kerizu Beretik-etik idazten dizuegu. 🌿🌱🌈
📌 APIRILAREN 17an, Arizkunenean, goizeko 11etatik aitzin eginen den jardunaldiaren berri emateko, hain xuxen ere: ⬇️
Haurren Baztan auzolanean eraiki: gure herrietako parkeak birpensatzen. 👀
Kerizu Beretik eta Baztango Udalarekin batera, Baztango ikastetxe guzien atxikimenduarekin antolatu da eta parkeen eraldaketaz aritzeaz gain, egitasmoaren berri ere emanen da bertan: bertzeak bertze, Kerizu Beretikeko kideak, Maite Azpiazu eta Txusma Azkona izanen ditugu hizlari.🗣️
Bizi dugun egoera dela eta, gune segurua izanen da eta baita edukiera mugatua ere.
Hortaz, bertaratu nahi duzuenok 689035078 telefonora deitu edo mezua igorri, faborez.
Berdintasunaren aldeko bidea ezin da emakumeen bizkar gainean bakarrik utzi; gizonen, herriko eragile desberdinen eta jendarte osoaren konpromisoa eta inplikazioa ezinbertzekoak dira aldaketa erreal bat lortzeko. Abiatu dugun bide hau etengabeko prozesu baten lehen urratsa bertzerik ez da.
Baztan aniztasunean oinarritutako bizikidetzaren erreferente izatea nahi dugu. Baztan guztion etxea da, eta etxe horretan pertsona guztiek izan behar dute beren nortasuna askatasunez bizitzeko aukera. Horregatik, Baztango Udalak herritar guztiak gonbidatzen ditu Harrotasunaren Nazioarteko Egunaren harira antolatuko diren ekimenekin bat egitera eta sexu- eta genero-aniztasuna errespetatzen eta baloratzen duen herri bat eraikitzen segitzera.
Baztango Udalak ireki du 2026ko deialdia: ikasketa-amaierako lanetarako (GAL/TFG eta MAL/TFM) dirulaguntzak, Baztan ikergai duten proiektu edo lanetarako, 2025/2026 ikasturtean.
