LGTBI+ PROGRAMA IBILTARIARI
Sexu- eta genero-aniztasuna Nafarroako lurralde guztietara hurbiltzeko, Nafarroako Berdintasunerako Institutuak beste urte batez LGTBI+ programa ibiltaria garatzen du, herritar guztiei zuzendua, berdintasunean, errespetuan eta LGTBI+ aniztasunaren aitorpen positiboan oinarritutako sentsibilizazioaren bidez gizarte-aldaketa sustatzeko.
ANIZTASUNA EREIN, ASKATASUNA BILTZEKO Kanpaina ibiltaria Baztanen ibiliko da LGTBIQ+ pertsonak landa-eremuan ikusarazteko.
Bertan LGTBIQ+ gaiei buruzko arreta eta informazioa emanen da eta bideo didaktikoak proiektatuko dira.
📅 Abuztuak 2, ELIZONDO
⏰ 11:30 aurkezpena
📍 Plazan
📅 3/08: IRURITAn ⏰ 9:00-14:00
📅 4/08: ERRATZUn ⏰ 9:00-14:00
Programa honek, “Aniztasuna erein, askatasuna biltzeko” lelopean, bi helburu ditu: batetik, herritarrentzat sexu- eta genero-aniztasunaren balioei buruz sentsibilizatzea, eta, bestetik, Nafarroako LGTBI+ pertsona eta kolektiboen ikusgaitasuna bultzatzea.
Horretarako, ibilgailu ibiltari bat prestatu dute, Nafarroako hainbat herritara bidaiatzeko. Espazio ibiltari horren barruan hainbat material eta eduki didaktiko eta ikus-entzunezko daude.
Programaren materialak INAIren webgunean daude eskuragarri:
https://www.igualdadnavarra.es/eu/programak-1
Espazio ibiltarira hurbiltzen diren herriko pertsonak Kattalinguneko – sexu eta genero-aniztasunari erantzuteko zerbitzu publikoa- sexologian espezializatutako langileek artatzen dituzte. Langile horiek informazioa ematen dute eta herri bakoitzeko biztanleek dituzten zalantzak eta kontsultak erantzuten dituzte.
Berdintasunaren aldeko bidea ezin da emakumeen bizkar gainean bakarrik utzi; gizonen, herriko eragile desberdinen eta jendarte osoaren konpromisoa eta inplikazioa ezinbertzekoak dira aldaketa erreal bat lortzeko. Abiatu dugun bide hau etengabeko prozesu baten lehen urratsa bertzerik ez da.
Baztan aniztasunean oinarritutako bizikidetzaren erreferente izatea nahi dugu. Baztan guztion etxea da, eta etxe horretan pertsona guztiek izan behar dute beren nortasuna askatasunez bizitzeko aukera. Horregatik, Baztango Udalak herritar guztiak gonbidatzen ditu Harrotasunaren Nazioarteko Egunaren harira antolatuko diren ekimenekin bat egitera eta sexu- eta genero-aniztasuna errespetatzen eta baloratzen duen herri bat eraikitzen segitzera.
Baztango Udalak ireki du 2026ko deialdia: ikasketa-amaierako lanetarako (GAL/TFG eta MAL/TFM) dirulaguntzak, Baztan ikergai duten proiektu edo lanetarako, 2025/2026 ikasturtean.
