Kanal honen bidez, herritar guziek udal jarduerari buruzko informazioa, ohar garrantzitsuak, kale edo ur mozketak, ekitaldien agenda… jaso ahal izanen dituzte, modu erraz eta zuzenean.
Telegramekin batera udaleko komunikabide sarea osatu egin da, lehendik zeuden webguneari eta Sare Sozialei gehitu baitzaie kanal berria.
TELEGRAM
Informazioa kanal horretatik jasotzeko nahikoa izanen da Telegram plataformaren INFO BAZTAN kanalarekin bat egitea. Horretarako Alta eman behar da honako bi bide hauetakoren batean: https://t.me/INFObaztan estekaren bidez edo irudiaren QRaren bidez.
Mezuak jasotzeari uzteko nahiko da kanaletik ateratzea, baja jakinarazi gabe.
Berdintasunaren aldeko bidea ezin da emakumeen bizkar gainean bakarrik utzi; gizonen, herriko eragile desberdinen eta jendarte osoaren konpromisoa eta inplikazioa ezinbertzekoak dira aldaketa erreal bat lortzeko. Abiatu dugun bide hau etengabeko prozesu baten lehen urratsa bertzerik ez da.
Baztan aniztasunean oinarritutako bizikidetzaren erreferente izatea nahi dugu. Baztan guztion etxea da, eta etxe horretan pertsona guztiek izan behar dute beren nortasuna askatasunez bizitzeko aukera. Horregatik, Baztango Udalak herritar guztiak gonbidatzen ditu Harrotasunaren Nazioarteko Egunaren harira antolatuko diren ekimenekin bat egitera eta sexu- eta genero-aniztasuna errespetatzen eta baloratzen duen herri bat eraikitzen segitzera.
Baztango Udalak ireki du 2026ko deialdia: ikasketa-amaierako lanetarako (GAL/TFG eta MAL/TFM) dirulaguntzak, Baztan ikergai duten proiektu edo lanetarako, 2025/2026 ikasturtean.
