MENDEKOTASUNA DUEN FAMILIAKO NORBAIT ZAINTZEN DUZU?
PARTE HARTU!!!
2023ko apirilak 26
“Atzoko, gaurko eta biharko sareak” lelopean Baigorri eta Baztango gazteen arteko topaketa ospatu zen Amaiurren joan den asteburuan
Amaiurko herrian izan zen, apirilaren 14ko asteburuan, Baigorriko eta Baztango Udalek antolaturiko bi bailaretako gazteen arteko topaketa. Topaketan 12 eta 15 urte bitarteko 36 gaztek hartu zuten parte eta Amaiurko herrian egin zuten topo, mugako bi aldetako biztanleen antzinako harremanak berreskuratzeko eta euskara zabaltzeko, erabiltzeko eta euskalkiak partekatzeko helburuarekin.
Amaiurko herrian izan zen, apirilaren 14ko asteburuan, Baigorriko eta Baztango Udalek antolaturiko bi bailaretako gazteen arteko topaketa. Topaketan 12 eta 15 urte bitarteko 36 gaztek hartu zuten parte eta Amaiurko herrian egin zuten topo, mugako bi aldetako biztanleen antzinako harremanak berreskuratzeko eta euskara zabaltzeko, erabiltzeko eta euskalkiak partekatzeko helburuarekin.
Jaso ditugun balorazioen arabera, topaketa arras ongi joan zen, gazteak arras gustura egon ziren. Begiraleek adierazi bezala, topaketaren helburuak bete ziren, beraz, bi Udalak pozik gelditu dira jasotako emaitzekin eta urrian izanen den bigarren topaketa antolatzen hasiak dira dagoeneko.
Behin Amaiurren topatu zirela, frontoian ezagutza jolasak egin zituzten Dindaiako begiraleekin. Gero aterpetxean gelak antolatu zituzten eta saloian berriz elkartu, “Hormigoizko mugak” erakusketa ikusteko. Memoriaren Nafarroako Institutuaren erakusketa honek frankismoak eta bereziki faxismoak erabilitako errepresio-tresna bati heldu nahi zaio: lan behartuari. Pirinioetan milaka eta milaka egitura militar eraiki zituzten aliatuen erasoaldiari aurre egiteko, eta eraikuntza-lan haietan preso errepublikazale espainiarrak aritu ziren nagusiki. Gure iraganeko errealitate ilun hori hedatzea du helburu nagusi erakusketak. Era berean, memoriaren lekuak errekonozitzeko eta oroitzeko helburuaz gain, giza eskubideak urratzen dituzten iraganeko nahiz egungo prozesu guztiei buruzko gogoeta kritikoa egiteko espazio bihurtu nahi dituzte leku horiek.
Afalostean, gaubelari hasiera eman zioten, asmakizunen feria internazionalarekin eta bingo musikatuarekin.
Larunbat goizean, Xaraka Natur Bidaiak-eko gidariarekin batera, Amaiurren inguruko ibilalditxo bat egin zuten gazteek, bertan bunkerrak ikusi eta haien atzean dagoen historia ezagutu zuten. Aipatu beharra dago udaleko Hondakin Zerbitzutik banatu zizkieten poltsa berrerabilgarriak erabili zituztela mendi martxako hamaiketakoa eramateko, hondakinak murrizten laguntzeko. Bazkal ostean denbora librea izan zuten. Arratsaldean, euskalkien inguruko joko batean aritu ziren jolasean, bi herrietako euskara aztertuz. Ondoren, poltsa eta txapa tailerra egin zuten, arrakasta izugarria izan zuen ekintza izan zen. Gauean berriz, karaokean, furor jolasean eta animalien txantxa jolasean aritu ziren gogotsu.
Igande goizean, joko pistan aritu ziren etxera itzuli aitzinetik.
(Ekintza honek Nafar Gobernuko diru-laguntzari esker gauzatu da)
ERLAZIONATUTAKO BERRIAK
Baztango Udalak Berdintasunerako II. Plana luzatzea adostu du
Luzapenari esker, 2026an eta 2027an oraindik burutu gabe dauden ekintzak garatzen segituko da. 2028a berriz, kanpo-ebaluazioa egiteko urtea izanen da; urte horretan eginen da planaren ebaluazio orokorra, berdintasunaren egoeraren diagnosia eguneratuko da, eta Baztango Emazteki* eta Gizonen* Berdintasunerako III. Plana prestatzeko oinarriak landuko dira.
Martxoak 8 – FEMINISMOARI ESKER… GAUR IZAN, EGON, ESAN ETA ERABAKI DEZAKEGU
Martxoak 8 Emakumeen Nazioarteko Eguna dela eta, Nafarroako Toki eta Lurralde Entitateek ezinbesteko errealitate bat gogorarazi nahi dugu: gaur egun barneratuta ditugun eta gure eguneroko bizitzaren parte diren eskubide eta askatasun asko mugimendu feministaren borrokei eta historian zehar emakumeen antolamendu kolektiboari esker lortu dira.