BAZTANDARREK EUSKARAREN INGURUAN DUTEN IRITZIA JAKITEKO SAIOAK

2023ko ekainak 2

BAZTANDARREK EUSKARAREN INGURUAN DUTEN IRITZIA JAKITEKO SAIOAK

EUSKARAREN INGURUAN HERRITARREN IRITZIA entzun eta jaso nahi da antolatutako lan-saio hauen bidez.

Ongi dakizuenez, Baztango Udalak euskararen plan estrategikoa disenatzeari ekin dio. Horretarako, baztandarren iritzia jakin nahi du. Zure iritzia jakin nahi du. Hori dela eta, lau kuarteletan saio bana (lan mahaia izendatu duguna) antolatuko dugu, zuen iritziak eta ekarpenak biltzeko. Jakintza kolektiboari bide emateko garaia da. Izan ere, nora joan nahi dugun marrazten hasi behar dugu. Elkarrekin bada, hainbat hobe!

Lan mahaiak ongi antolatze aldera, eskertuko dizugu aitzinetik izen ematea ondoko loturan:

https://questionpro.com/t/AXsvuZyW6Y

OHARRA: Zure herriko kuartelari dagokion lan saiora ezin bazara etorri bertze kuartel batean antolatutakora joaten ahal zara. Kontua parte hartzea da!!

Animatu, guk entzun nahi zaitugu eta!

ERLAZIONATUTAKO BERRIAK

Imagen Bizirauteko sareak ehunduz: indarkeria matxista pairatu duten emakumeei zuzendutako laguntza psikoedukatibo eta musikoterapeutikoko landa-proiektu batek saria jaso du

Bizirauteko sareak ehunduz: indarkeria matxista pairatu duten emakumeei zuzendutako laguntza psikoedukatibo eta musikoterapeutikoko landa-proiektu batek saria jaso du

Baztango Udalak, Bortzirietako eta Malerrekako Mankomunitateekin batera, aitortza jaso du Emakumeen aurkako Indarkeriaren kontrako Tokiko Jardunbide Egokien Lehiaketaren X. edizioan (2025-2026), FEMPk eta Genero Indarkeriaren aurkako Gobernu Ordezkaritzak antolatutako deialdian, “Babesgune terapeutiko egonkorra: indarkeria matxistaren biktima eta biziraule diren emakumeendako laguntza psikoedukatiboa eta musikoterapeutikoa” proiektuari esker.

MENDEKOTASUNA DUEN FAMILIAKO NORBAIT ZAINTZEN DUZU?

PARTE HARTU!!!

Baztango Udalak Berdintasunerako II. Plana luzatzea adostu du

Luzapenari esker, 2026an eta 2027an oraindik burutu gabe dauden ekintzak garatzen segituko da. 2028a berriz, kanpo-ebaluazioa egiteko urtea izanen da; urte horretan eginen da planaren ebaluazio orokorra, berdintasunaren egoeraren diagnosia eguneratuko da, eta Baztango Emazteki* eta Gizonen* Berdintasunerako III. Plana prestatzeko oinarriak landuko dira.