Emakumeok*, bizitzan zehar, gure garapen pertsonalerako garrantzizkoak diren garai diferenteak pasatzen ditugu. Pubertatea, amatasuna eta klimaterioa dira honen adibide batzuk. Garai bakoitzean sentsazio desberdinak sentitu ahal ditugu… baita zalantzak, beldurrak, kezkak etab. sortzen ahal dituzten sentsazioak. Ziklo menstruala, hasi bezala, amaitu egiten da, lehenago edo geroago.
51 urteen bueltan gertatzen da, batez beste. Interesgarria eta beharrezkoa da garai hauetan gure gorputzetan emanen diren aldaketen inguruko informazioa izatea. Baina jakin beharra dago ere menopausia ailegatu baino bi edo hiru urte lehenago, ahalmen hori duten emakumeen* ugaltzeko gaitasuna bukatzen hasten dela, eta aldaketa handiak gertatzen zaizkigu gorputzean. Klimaterioa esaten zaio aldi horri. Menopausia klimaterioaren ondoren dator, eta, emakume* guztiei eragiten digun arren, aunitzi kosta egiten zaigu nola sentitzen garen adieraztea, zalantzak galdetzea eta, oro har, horretaz solastatzea. Hainbat emakume* deseroso sentitu ohi gara ziklo edo aldi hortaz solastatzean, baita sexualitateaz eta plazeraz mintzo garenean ere. Klimaterioa eta menopausia batzuetan arazo nabarmenik gabe gerta daiteke baina, bertze batzuetan, ez da horren errez ematen.
Guzti honetaz aritzeko eta menopausia eta klimaterioaren inguruan sortzen diren kezka, beldurrak etab. Lantzeko, Baztango Gizarte eta Berdintasun Zerbitzuek, Baztango Berdintasun Batzordearekin elkarlanean, ekintza ziklo hau antolatu dugu:
MENOPAUSIA eta KLIMATERIOA: ekintza zikloa
- Bertsoak eta bakarrizketa
Zer gertatzen da emakumearen* bizitzan menopausia garaia ate joka dagoenean? Nola sentitzen gara? Zer da klimaterioa?
📆 Azaroak 19 ⏱ 18:30ean
📍 Arizkuneneko sabaian
- AUTO-EZAGUTZA Lantegia: nire gorputza, nire arauak
Sexu – osasuna eta gorputzen auto-ezagutzatik abiatuta, emakumeen* bizitzan ematen diren ziklo eta aldaketen inguruan kontzientzia eta ezagutza eskuratzeko lantegia. 2 saio.
📆 Azaroak 24 ⏱ 17:30 – 19:30
📆 Azaroak 25 ⏰ 10:00 – 12:00
📍 Arizkuneneko hitzaldi aretoan (3. solairuan)
Lantegian parte hartzeko izen ematea beharrezkoa da berdintasuna@baztan.eus helbidean edo 613003634 telefonoan, baita WhatsApp edo Telegram bidez.
