MENDEKOTASUNA DUEN FAMILIAKO NORBAIT ZAINTZEN DUZU?
PARTE HARTU!!!
2025eko martxoak 20
INDARKERIA MATXISTAREN BIKTIMA ETA BIZIRAULENTZAT ESPAZIO IRAUNKORRA
Elkarrekiko laguntza, harrera eta saretzerako gune segurua da eta Baztanen, Malerrekan eta Bortzirietan burutzen da. Espazio iraunkor hau, eskualdeko emakumeendako erreferentziazko gune izateko zein arreta jarraia eskaintzeko sortu da eta izaera hezitzailea, bizipenezkoa eta terapeutikoak uztartzen ditu.
Badira urte batzuk indarkeria matxistak bizi edota bizi izan dituzten Baztan, Malerreka, Bertizarana, Bortziriak eta Xaretako emakumeendako musikoterapia lantegia eskaintzen dugula. Aurten pausu bat gehiago eman nahi izan dugu, eta lantegi moduan egin dugun ekintza hau EAIV-BAITekin elkarlanean espazio iraunkor gisa eskaintzeko hautua egin dugu. Elkarrekiko laguntza, harrera eta saretzerako gune segurua da eta Baztanen, Malerrekan eta Bortzirietan burutzen da.
Espazio iraunkor hau, eskualdeko emakumeendako erreferentziazko gune izateko zein arreta jarraia eskaintzeko sortu da eta izaera hezitzailea, bizipenezkoa eta terapeutikoak uztartzen ditu.
Hezitzaileak diren saioak EAIV-BAITeko gizarte hezitzaile batekin dira eta saio terapeutikoak Haizea Loira Matxiñena musikoterapeutarekin.
Taldean parte-hartzea librea eta konpromisorik gabea da. Saioen bitartean adin txikikoen zaintza zerbitzua eskaintzen da eta behar izanez gero bertaratzeko garraio zerbitzua ere.
Espazio iraunkorraren inguruko informazio gehiago edo adin txikikoen zaintza zein garraio zerbitzua eskatzeko, bertara jo daiteke:
- BAZTAN: Gizarte Zerbitzuak, Osasun Zentroa, Berdintasun Zerbitzua
- Gizarte Zerbitzuak: 689 03 50 78
- Berdintasun Zerbitzua: 613 00 36 34
- MALERREKA: Mankomunitatea, Osasun Zentroa
- BORTZIRIAK: Gizarte Zerbitzuak, Osasun Zentroa
- Berdintasun Zerbitzua: 722 69 30 78
- HAZI TERAPIA ZENTROA (Haizea): 655 74 76 95
ERLAZIONATUTAKO BERRIAK
Baztango Udalak Berdintasunerako II. Plana luzatzea adostu du
Luzapenari esker, 2026an eta 2027an oraindik burutu gabe dauden ekintzak garatzen segituko da. 2028a berriz, kanpo-ebaluazioa egiteko urtea izanen da; urte horretan eginen da planaren ebaluazio orokorra, berdintasunaren egoeraren diagnosia eguneratuko da, eta Baztango Emazteki* eta Gizonen* Berdintasunerako III. Plana prestatzeko oinarriak landuko dira.
Martxoak 8 – FEMINISMOARI ESKER… GAUR IZAN, EGON, ESAN ETA ERABAKI DEZAKEGU
Martxoak 8 Emakumeen Nazioarteko Eguna dela eta, Nafarroako Toki eta Lurralde Entitateek ezinbesteko errealitate bat gogorarazi nahi dugu: gaur egun barneratuta ditugun eta gure eguneroko bizitzaren parte diren eskubide eta askatasun asko mugimendu feministaren borrokei eta historian zehar emakumeen antolamendu kolektiboari esker lortu dira.