Itzuli
2025eko urriak 16

AMArtean zikloraren baitan, Arizkunenean amen talde egonkor bat sortzeko bilera irekia

AMArtean zikloaren amaiera gisa, urriaren 21ean, asteartea, 17:00etan, Arizkunenean bilera ireki bat eginen da amatasunen inguruan lantalde egonkor bat osatu nahi duten amendako.

Foto noticia

AMArtean zikloaren amaiera gisa, urriaren 21ean, asteartea, 17:00etan, Arizkunenean bilera ireki bat eginen da amatasunen inguruan lantalde egonkor bat osatu nahi duten amendako.

Oinarrizko Gizarte Zerbitzuak eta Baztango Udaleko Berdintasun Zerbitzuak antolatuta, bilkura honen helburua topagune iraunkor bat sortzeko oinarriak ezartzea da, amek beren eguneroko erronkei lotutako esperientziak, kezkak eta ikaskuntzak partekatzeko aukera izan dezaten.

Bilerak modu kolektiboan definitu nahi ditu etorkizuneko taldearen interesak, helburuak eta dinamikak, zaintzarako, entzuteko eta ahalduntze partekaturako gune bihurtu nahi baitu. Amatasunek eskakizun sozial, emozional eta laboral konplexuei aurre egin behar dieten testuinguru batean, laguntza, ahizpatasun eta hausnarketa sareak sortzea funtsezko tresna da norbanakoaren eta komunitatearen ongizaterako.

Berdintasun zerbitzuak eta oinarrizko gizarte zerbitzuak bailarako eta inguruetako ama guztiak gonbidatzen ditu bilera ireki honetan parte hartzera eta AMArtean zikloan hasitako lanari jarraipena eman nahi dion proiektu komun bat martxan jartzen laguntzera, emakumeen arteko laguntza eta elkartasun loturak sendotuz.

ERLAZIONATUTAKO BERRIAK

Imagen Bizirauteko sareak ehunduz: indarkeria matxista pairatu duten emakumeei zuzendutako laguntza psikoedukatibo eta musikoterapeutikoko landa-proiektu batek saria jaso du

Bizirauteko sareak ehunduz: indarkeria matxista pairatu duten emakumeei zuzendutako laguntza psikoedukatibo eta musikoterapeutikoko landa-proiektu batek saria jaso du

Baztango Udalak, Bortzirietako eta Malerrekako Mankomunitateekin batera, aitortza jaso du Emakumeen aurkako Indarkeriaren kontrako Tokiko Jardunbide Egokien Lehiaketaren X. edizioan (2025-2026), FEMPk eta Genero Indarkeriaren aurkako Gobernu Ordezkaritzak antolatutako deialdian, “Babesgune terapeutiko egonkorra: indarkeria matxistaren biktima eta biziraule diren emakumeendako laguntza psikoedukatiboa eta musikoterapeutikoa” proiektuari esker.

Imagen Baztango Udalak Berdintasunerako II. Plana luzatzea adostu du

Baztango Udalak Berdintasunerako II. Plana luzatzea adostu du

Luzapenari esker, 2026an eta 2027an oraindik burutu gabe dauden ekintzak garatzen segituko da. 2028a berriz, kanpo-ebaluazioa egiteko urtea izanen da; urte horretan eginen da planaren ebaluazio orokorra, berdintasunaren egoeraren diagnosia eguneratuko da, eta Baztango Emazteki* eta Gizonen* Berdintasunerako III. Plana prestatzeko oinarriak landuko dira.

Volver arriba