Ayuntamiento de Baztan

Indarkeria ekonomikoa genero-ikuspegitik aztertuko duen hitzaldia Baztanen, azaroaren 25aren harira

Baztango Berdintasun Zerbitzuak “Pentsioa ez ordaintzea, emakumeen kontrako indarkeria ekonomikoa” izeneko hitzaldia antolatu du, azaroaren 27an, 17:30ean Arizkuneneko hitzaldi aretoan (3. solairuan).

Ixaxi Pérez Fernández hizlariak elikagai-pentsioa nahita ez ordaintzeak dituen ondorioak aztertuko ditu, genero-ikuspegitik. Hitzaldiak emakume eta seme-alaben bizitzetan duen eragin ekonomiko eta soziala jorratuko du.

Helburua da indarkeria ekonomikoa ere indarkeria matxistaren forma bat dela agerian jartzea, eta gogoeta soziala eta instituzionala sustatzea.

Udalak interesa duten pertsona guztiak gonbidatzen ditu gogoeta, ikaskuntza eta sentsibilizazio hitzordu honetan parte hartzera, baita data garrantzitsu honen inguruan antolatutako gainerako jarduera eta mobilizazioetan parte hartzera ere.

https://labur.eus/azaroak25-2025