Bidasoako tren txikitoari buruzko argazki zaharren erakusketa inauguratu da
Argazki zaharren erakusketa:
Tren Txikitoa: Bidasoaren memoria
Erakusketa dokumental hau Bidasoako Bide Berdearen irekiera ofizialaren harira antolatu da. Bide Berdea mugikortasun iraunkorrerako eta ondareari balioa emateko tren-azpiegitura berreskuratzeko proiektua da.
Erakusketak bi ardatz nagusi ditu, espazio horren trantsizio teknikoa eta soziala dokumentatzen dutenak:
- 1916ko Kronika Instituzionala
Atal honetan, 1916an, ibilbidearen inaugurazioarekin batera, egin ziren protokolo-ekitaldien eta ekitaldi publikoen erregistro grafikoa jasotzen da. Irudiek agintarien parte-hartzea, irekiera-ekitaldiak eta bidearen herritarren lehen harrera dokumentatzen dituzte, eta baliabide hori martxan jarri zeneko erregistro historiko gisa geratzen da.
- Trazaduraren eta perspektiba geografikoaren dokumentazioa
Bigarren blokean, hasierako zatietatik Irunera iritsi arteko ibilbidea deskribatzen duten zenbait panoramika tekniko eta paisajistiko daude .
Erakusketa irekita izanen da apirilaren 17ra arte, Arizkunenea kultur Etxeko 1. solairuan, astelehenetik ortziralera 16:30etik 20:00etara