Ayuntamiento de Baztan

ESKOLATIK KANPO EUSKARA INDARTZEKO EGITASMOA

Solasean hizkuntzaren errefortzurako aisialdi-programa bat da, euskaraz ikasteko eta aritzeko zailtasunak dituzten haurrei zuzendua. Ikuspegi ludiko batetik eta ahozkotasuna ardatz hartuta lantzen da hizkuntzaren indartzea. Helburu nagusia haur hauentzat euskara benetako komunikazio-tresna bihurtzea da, euskaraz aritzeko trebetasunak eta konfiantza gara ditzaten. Era berean, herriko bizitzan euskaraz murgiltzeko eta parte hartzeko baliabideak eskaini nahi zaizkie.

Aurten, proba pilotu gisa, Baztanen jarri dugu martxan Solasean programa. Euskaraz aritzeko zailtasunak dituzten haurrei berariaz zuzendutako egitasmoa da, euskara praktikatzeko, transmititzeko eta herriko bizitzan integratzeko helburua duena. Guztira, 11 haurrek hartu dute parte. Astean behin elkartu dira Arizkunenean, eta egindako balorazioa arras positiboa izan da.

Datorren ikasturteari begira, bi talde osatzeko asmoa dago. Talde bakoitza astean behin bilduko da, ordu eta erdiko saioetan. Aurten, saioak Ariane Totorika hezitzailearen gidaritzapean egin dira.