Ayuntamiento de Baztan

Egun on: Hasteko, esker mila egoera honen berri emateagatik. Ulertzen dugu Erratzuko sarreran dagoen merenderoan udan sortzen den egoerak eragozpenak eragin ditzakeela, batez ere ibilgailuak denbora luzez bertan egoten direnean, sortzen den zikinkeriagatik eta zaratagatik, eta horrek gainerako herritarrek eta bisitariek merenderoa eta errekaren ingurua normaltasunez erabiltzea zailtzen duenean. Gaur egun, Baztango Udalak ez du horrelako egoerak berariaz arautzen dituen ordenantza zibikorik. Hala ere, ordenantza zibiko bat prestatzen ari gara, eta datozen hilabeteetan indarrean sartzea espero dugu. Ordenantza berri horrek aukera emanen digu espazio publikoaren erabilera, garbitasuna, bizikidetza eta bertzelako erabilera desegokiak modu zehatzagoan arautzeko, eta horren barruan aztertu ahal izanen dugu Erratzuko merenderoan sortzen den arazoa ere. Bertzalde, kontuan hartu behar da asteburuetan eta gauez ez dagoela udaltzainik, eta horrek zaildu egiten duela une horietan sortzen diren arazoei berehala erantzutea. Horregatik, araudiaren bidez prebentzio- eta kontrol-mekanismo egokiak ezartzea ere garrantzitsua izanen da. Edonola ere, helburua ez da inor kanporatzea, baizik eta espazio publikoaren erabilera orekatua bermatzea, bertako herritarrek zein bisitariek merenderoa eta errekaren ingurua erabiltzeko aukera izan dezaten, eta aldi berean zarata, zikinkeria eta erabilera desegokiak saihesteko. Zure ekarpena kontuan hartuko dugu ordenantza berria lantzerakoan, eta baita Erratzuko merenderoaren kasu zehatzerako egokiena izan daitekeen neurria aztertzerakoan ere. Esker mila kezka eta proposamena Udalari helarazteagatik.