Azaroak 25 – EMAKUMEEN AURKAKO INDARKERIA MATXISTAREN KONTRAKO NAZIOARTEKO EGUNA
JARDUERAK
EMAKUMEEN AURKAKO INDARKERIA MATXISTAREN KONTRAKO NAZIOARTEKO EGUNA
Indarkeria matxisten aurkako mobilizazioa. Indarkeria matxistak desagerrarazteko gizarte osoaren konpromisoa eskatzen jarraituko dugu karriketan, eta emakume guztiei gure laguntza eskainiko diegu. Hurbildu zaitez eta erakutsi zure konpromisoa!
UDALAK DEITUTAKO ELKARRETARATZE INSTITUZIONALA
Azaroak 25, asteartea, 12:00etan
Elizondoko plazan
Antolatzailea: Baztango Udala
MUGIMENDU FEMINISTAK ANTOLATUTAKO INDARKERIA MATXISTAREN KONTRAKO MOBILIZAZIOA
Azaroak 25, asteartea, 19:00etan
Elizondoko plazan
Antolatzailea: Iñarrosi Neska* Gazteen Taldea y Baztango Talde Feminista
——
Azaroak 23
CROMLECH HELDUENDAKO ANTZERKIA TEATRO PARA PERSONAS ADULTAS
EVAREN ALABAK ANTZERKI TALDEA
Hiru emakume, ama eta bi alabak, aitaren heriotzaren ondoren elkartzean izandako elkarrizketa sakon batean kokatzen da antzezlana. Elkarrizketa horren ondoren ezer ez da berdina izango. Antzezpena aurrera joan ahala familia barruko sekretuak agertzen joanen dira eta honek euren artean gaizki ulertu, harridura eta erruduntasuna sortuko badu ere, ziur ikusleari barre algarak sortaraziko dizkiola
Ordua /hora: 18:00
Lekua/Lugar: Irurita. Gizarte Bilgunea
Azaroak 27, ortzeguna
Pentsioa ez ordaintzea, emakumeen kontrako indarkeria ekonomikoa.
Elikagai-pentsioa nahita ez ordaintzeak dituen ondorioak genero-ikuspegitik aztertzea.
Hizlaria/Ponente: Ixaxi Pérez Fernández
Ordua/Hora: 17:30 h
Lekua/Lugar: Arizkunenea
Antolatzaileak/Organiza: Baztango Berdintasun Zerbitzua
Azaroak 29, larunbata
“ETORKIZUN HOBEARI BEGIRA” Ihes gela, 12 urtetik gorakoendako
12 urtetik gorako parte-hartzaileek indarkeria mota ezberdinekin lotutako erronkak gainditu behar dituzte, talde-lanaren bidez, jokoan aitzin egin ahal izateko. Parte-hartzaileen arteko lankidetzak, edota iritzi desberdinek sor ditzaketen desadostasunek jokoa laburragoa edo luzeagoa egin dezakete.
Izen-ematea beharrezkoa izanen da, QR honen bidez.
Lekua/Lugar: Arizkuneneako beheko solairuan
Ordua/ Hora: taldeka, egun osoa
Antolatzailea/Organiza: Baztango Berdintasun Zerbitzua eta ASKE elkartea
2025eko azaroaren 25eko ADIERAZPEN INSTITUZIONALA
Deskargatu adierazpena bi hizkuntzatan hemen.
Baztango Udaleko urriko osoko bilkuran onartua izan zen aho batez eta Nafarroako Berdintasun Teknikarien Sarean ekoiztua izan da:
2025eko azaroak 25 – Emakumeen Kontrako Indarkeriaren aurkako Nazioarteko Eguna
INDARKERIA MATXISTA DIGITALAK BADITU ONDORIO ERREALAK
Berriro ere, azaroaren 25ean, Nafarroako toki eta lurralde entitateek ahotsa altxatzen dugu emakumeen kontrako indarkeria matxista mota guztiak gaitzesteko. Indarkeriarik gabeko mundu bat aldarrikatzen dugu, non emakumeak eta neskak beldurrik gabe, askatasunez eta eskubideen berme osoz bizi daitezkeen.
Aurten, indarkeria-mota berrienetako, eta, aldi berean, ikusezinenetako batean jarriko dugu arreta: nesken eta emakumeen aurkako indarkeria digitala. “INDARKERIA MATXISTA DIGITALAK BADITU ONDORIO ERREALAK” lelopean, azpimarratu nahi dugu Interneten eta ingurune digitaletan gertatzen denak ondorio sakon, ukigarri eta mingarriak dituela eta ezin dela alde batera utzi. Indarkeria matxista aldatu egiten da eta garaietara egokitzen da, baina gure aldarrikapenak eta gaitzespenak ukiezinak izaten jarraitzen dute.
Gaur egun, ez dago indarkeria digitalaren definizio unibertsal bakar eta uniformerik. Eboluzioan dagoen kontzeptu bat da, teknologia berrien, ingurune digitalen, sare sozialen edo Interneten bidez eragindako indarkeria matxistako jokabideak biltzen dituena. Genero Indarkeriaren aurkako Estatu Itunak indarkeria digitala eraso-modu lehenetsitzat hartu du berriki, eta neurri espezifikoak hartu ditu indarkeria prebenitzeko, detektatzeko eta zigortzeko.
Askatasuna, osotasun fisikoa eta morala, berdintasuna eta duintasuna bezalako oinarrizko eskubideak urratzeaz gain, indarkeria mota hori haratago doa eta emakume gazteei eta espazio publikoan parte hartzen dutenei eragiten die bereziki. Era askotara agertzen da: ziberjazarpena eta gorroto-diskurtsoak, bikotearen kontrol digitala, onartu gabeko sextinga, groominga, sextorsioa, deepfakea bidezko irudien manipulazioa edo “mendeku pornografia” delakoa.
Inpaktuak sakonak eta errealak dira: antsietatea, depresioa, isolamendua, autozentsura eta espazio digitalak uztea. Indarkeria honek emakume gazteen ahotsak isiltzen ditu eta esfera publikoan duten parte-hartzea mugatzen du, genero-desberdintasunak indartuz. Indarkeria birtualak ondorio nabariak ditu, milaka emakumeren osasunean, segurtasunean eta bizi-aukeretan eragiten dutenak.
Datuak kezkagarriak dira eta arazoaren garrantzia berresten dute. NBEk adierazi du mundu mailan emakumeen % 73k baino gehiagok jasan duela indarkeria Interneten, eta 18 eta 24 urte bitarteko neska gazteek jazarpen, sexu-jazarpen eta mehatxu fisikoak jasateko arrisku handia dutela. Europar Batasuneko 28 herrialdeetan, bederatzi milioi emakumek jasan dute lineako indarkeria 15 urte zituztenetik. Gainera, bostetik bat online jazarpena eta abusua zigortzeko aukera gutxi duten herrialdeetan bizi da. Era berean, indarkeria digitalaren biktima izan direnen % 28k Interneteko jarduera nahita murriztea erabaki dute, eta sexu-edukia duten irudi intimoak baimenik gabe zabaltzen dituzten biktimen % 90 emakumeak dira.
Horregatik, Nafarroako toki eta lurralde entitateek konpromiso hauek hartzen dituzte:
- Emakumeen aurkako indarkeria digitala indarkeria matxista gisa onartzea.
- Tokiko eta lurraldeko eremuan lan egiten duten profesionalen prestakuntza indartzea (polizia, gizarte-zerbitzuak, hezkuntza, osasuna, etab.), indarkeria digitaleko kasuak goiz eta eraginkortasunez antzeman eta jardun ahal izan dezaten.
- Herritarrei, bereziki gazteei eta nerabeei, zuzendutako sentsibilizazio- eta prestakuntza-kanpainak sustatzea, teknologien erabilera arduratsu eta seguruari buruz, genero-ikuspegitik.
- Indarkeriarik eta diskriminaziorik gabeko espazio digitalak sustatzea, ikastetxeekin, komunikabideekin eta herri eragileekin elkarlanean.
- Indarkeria digitalaren biktima diren emakumeen arretarako baliabide eta protokolo espezifikoak bultzatzea.
- Beste erakunde, sare, elkarte eta mugimendu feminista batzuekin lankidetzan aritzea, indarkeria matxista digitala desagerrarazteko bidean modu koordinatuan aurrera egiteko.
- Indarkeria matxista digitalaren prebentzioa, detekzioa, arreta eta erreparazioa sustatzen duten tokiko politika publikoak ezartzea.
Azaroak 25 honetan, gizarte osoa gonbidatzen dugu rol aktiboa har dezan ingurune digital, benetan aske, berdintasunezko eta segurua eraikitzeko. Konpromiso kolektiboaren bidez bakarrik lortu ahal izango dugu emakumeen aurkako indarkeriarik gabeko gizartea.