ALBISTEAK - Zerbitzuak

2024ko maiatzak 3 | Gaurkotasuna

LGTBIQ+fobiaren aurkako Nazioarteko Eguna dela eta, zatoz Arizkunera eta gozatu arratsalde batez ZINEGOAKekin

Hitzordua ezinbertzekoa da LGTBIQ+ zinemak eskaintzen duen kultur eta giza aberastasunean murgildu nahi dutenendako. Proiekzio honetan parte hartzea ez da bakarrik arte zinematografikoaz gozatzea, elkartasun eta ulermen mugimendu batekin bat egitea ere bada. Aniztasuna onartzeari eta errespetatzeari dagokionez oraindik erronkak dituen mundu honetan, funtsezkoa da LGTBIQ+ komunitatearekin batera ikastea eta haztea.

2024ko martxoak 26 | Gaurkotasuna

BAZTANGO UDALA, MUGIMENDU FEMINISTAREKIN LANKIDETZAN, LANEAN ARI DA 2024KO BESTAK EMAKUMEENDAKO SEGURUAK IZAN DAITEZEN

Ahalegin bateratu batean, Baztango Udaleko Gizarte Zerbitzuek eta Berdintasun Zerbitzuak, tokiko mugimendu feministarekin elkarlanean, ekimen bat iragarri dute herritarrak eta funtsezko eragileak prestatzeko, 2024an besta-inguruneetako indarkeria matxistei eta sexualei aurre egiteko eta artatzea eta prebentzioan aurrera pausuak egiteko asmoarekin. Ekimen hau nagusiki hiru taldetan zentratzen da: herri bakoitzeko besta-komisioak eta Baztandarren Biltzarreko kideak, ostalaritzako negozioak eta eta Brigada Moreak antolatzeko edo horietan parte hartzeko interesa duten herritarrak oro har.

2024ko urtarrilak 25 | Gaurkotasuna

Etxeko eta zaintzako langileen egoera ikustarazteko eta hauen eskubideen inguruan sentsibilizatzeko ZAINTZA ERDIGUNEAN kanpaina

Lan eskubideen eta genero berdintasunaren defentsaren esparruan, Oinarrizko Gizarte Zerbitzuek eta Baztango Berdintasun Zerbitzuak ZAINTZA ERDIGUNEAN kanpaina abiatu dute, etxeko eta zaintzako langileen lan-baldintzak ikusarazteko. Kanpaina honekin mugimendu feministak 2023ko azaroaren 30erako sustatutako zaintza greba eta ordura arteko lanketa guztia balioan jarri eta aprobetxatu nahi du Udalak, Baztango jendartea sentsibilizatzen eta informatzen segitzeko.

2023ko abenduak 13 | Gaurkotasuna

Baztango Udalak emakumeen kontrako indarkeriaren aitzinean jarduera koordinatzeko lehen tokiko protokoloa sinatu du

Baztango Udalak bere lehen protokoloa sinatu du, emakumeen kontrako indarkeriaren aurkako prozedurak eta ekintzak koordinatzeko. Sinadura ekitaldian, Nafarroako Berdintasun Institutuko, Osasunbideko eta Gobernu Ordezkaritzako ordezkariak izan dira, Baztango Udalak indarkeria matxista kasuak artatzeko eta desagerrarazteko duen konpromisoa islatzen duen urrats esanguratsu hori babesteko.

Volver arriba