Ayuntamiento de Baztan

Amak lau triki edo lau pandero lau ahotsetan. Beren izenen inizialekin osatutako taldea Amak da. Alaitz Telletxea (Alaitz eta Maider), Maixa Lizarribar (Maixa ta Ixiar), Amaia Oreja (M-n Ezten) eta Kristina Solano (M-n Ezten) dira. Euskal folk musikak dituen betiko moldeak irekitzea proposatzen dute, ertzetatik arakatu eta plaza arruntetatik kanpo proposamen bat gorpuzteko. Trikiak, panderoa eta ahotsa uztartuko dituen ikuskizun bitxia eskainiko digute. Abesti propioak, jatorrizko taldeen abestien bertsioak eta pot-pourri eta abesti klasiko batzuen moldaketak.