TRANSIZIOAN ZAINDUZ
Baztango Gizarte, Kirol eta Berdintasun Zerbitzuek klimaterioan eta menopausian ongizate integrala sustatzeko programa bat martxan paratuko dute.
2025eko abenduak 24
AMARTEAN ama taldea martxan paratuko dute Baztanen 2026ko urtarriletik aitzin
AMARTEAN Taldea hilean behin bilduko da Arizkunenean, 17:00etatik 18:30era, honako datetan: urtarrilak 29, otsailak 26, martxoak 26, apirilak 23, maiatzak 28 eta ekainak 18. Saio guztiak presentzialak izanen dira eta PAREAN Elkarteak dinamizatuko ditu, ikuspegi profesional eta feministatik.
Baztango Udaleko Gizarte eta Berdintasun Zerbitzuek interesa adierazi duten pertsonekin elkarlanean eta PAREAN Elkartearen gidaritzarekin, AMARTEAN ama talde egonkorra sortzeko urratsa emanen dute. AMArtean zikloaren balorazio positiboaren ondotik, amatasunen inguruan hausnarketa partekatua eta sostengu kolektiboa lantzeko beharra agerian gelditu da, eta horri erantzuteko sortu da talde berria.
AMARTEAN Taldea hilean behin bilduko da Arizkunenean, 17:00etatik 18:30era, honako datetan: urtarrilak 29, otsailak 26, martxoak 26, apirilak 23, maiatzak 28 eta ekainak 18. Saio guztiak presentzialak izanen dira eta PAREAN Elkarteak dinamizatuko ditu, ikuspegi profesional eta feministatik.
Taldea irekia izanen da amatasun feministetan interesa duten ama guztiendako, parte hartzeko prest daudenendako eta espazio seguru baten irizpideak errespetatuko dituztenentzat: konfidentzialtasuna, errespetua, entzute aktiboa eta epaiketarik eza, bertzeak bertze. Helburua amatasunaren bizipen anitzak partekatzeko, emozioak lantzeko eta zaintza kolektiboaren ikuspegitik sareak ehuntzeko gune egonkor bat sortzea da.
Baztango Udaletik azpimarratu nahi dute ekimen honek ez duela erantzun bakarrik ematen, baizik eta galderak elkarrekin pentsatzeko eta amatasuna bakardadetik ateratzeko aukera eskaintzen duela. Horregatik, interesdun guztiei izena ematera eta parte hartzera animatzen diete.
Izena-emateko: https://labur.eus/AMArteanTaldeEgonkorra
Informazio gehiagorako: 613 003 634 Berdintasun Zerbitzua
ERLAZIONATUTAKO BERRIAK
Bortzirietako, Malerrekako, Bertizanarako eta Baztango Berdintasun Zerbitzuek, ERAIKIZ Kolektiboarekin batera, eskualdeko gizonentzako berdintasuna lantzeko taldearen II. edizioa martxan jarriko dute
Taldearen aurkezpen eta antolaketa bilera irailaren 18an, ostirala, 17:00etan, Doneztebeko Galbaraialde eraikinean izanen da. Hizkuntza: Euskaraz.
Baztango Gizarte eta Berdintasun Zerbitzuek AMARTEANen edizio berri bat sustatu dute
2026ko lehen edizioaren esperientziaren ondoren, taldeak ikasturte berri bati ekinen dio, berriz ere amen parte-hartze aktiboa baliatuz. Horregatik, saioak hasi aurretik antolaketa-bilkura bat eginen da, eta bertan parte-hartzaileek elkarrekin erabakiko dituzte taldearen funtzionamendua, saioen maiztasuna, ordutegiak, datak, landu nahi dituzten gaiak eta lan egiteko modua.