Baztango eta Baigorriko gazteen arteko topaketa antolatu dute Baigorriko eta Baztango Udalek

2023ko otsailak 17

Baztango eta Baigorriko gazteen arteko topaketa antolatu dute Baigorriko eta Baztango Udalek

Trukaketa egonaldi batean parte hartzera gonbidatu dituzte 12-15 urteko gazteak (2008-2010 artean sortuak). Egonaldia Baztanen izanen da (Amaiurko aterpetxean), 2023ko apirilaren 14tik 16rat, ortziraletik igandera.

Historian gibelerat egin behar dugu bi ibarren arteko lehen harremanak hautemateko. Badakigu mota anitzetakoak izan direla: abere hazkuntzaren inguruan, gerletako errefuxiatuen testuinguruan, kontrabandoari lotuak, elkarteen trukaketak, bestetakoak, biztanleak haran batetik bertzera bizitzera joan direnekoak… Trukaketa hauek Baztan eta Baigorri elkarren artean lotu zituzten, lotzen dituzte eta etorkizunean hala eginen dutela espero dugu.

Sare horrek iraun dezan eta trinkotu dadin, trukaketa egonaldi batean parte hartzera gonbidatu dituzte 12-15 urteko gazteak (2008-2010 artean sortuak). Egonaldia Baztanen izanen da (Amaiurko aterpetxean), 2023ko apirilaren 14tik 16rat, ortziraletik igandera.

Atzoko, gaurko eta biharko sareak izenarekin, Izpegiko bi eskualdeen arteko ezagutzak ulertzeko eta sendotzeko egonaldia izanen da. Mendi martxa, dokumentala, ginkana, ezagutza jolasak eta ongi pasatzeko denbora librea izanen dute.

Beraz, adin bereko Baigorriko gazteak ezagutzeko aukera aparta izanen da BAZTANGO ETA BAIGORRIKO GAZTEEN ARTEKO TOPAKETA hau!

Egonaldia dohainik da. Parte hartu nahi baduzu, izena eman 689 035078 telefonoan edo gizartezerbitzua@baztan.eus helbidean.

Zure lagunak animatu eta etor zaitez adiskide berriak egitera! Zu ere sare horren parte izaten ahal zara!

(Ekintza honek Nafar Gobernuko diru-laguntzari esker gauzatu da)

NOTICIAS RELACIONADAS

Bestak gozatu ditzagun, denok elkarrekin, inor kanpoan utzi gabe

Heldu den astean ospatuko dira Elizondoko Santio bestak. Besta giroak hartuko ditu karrikak, eta denek ongi pasatzea izanen dugu helburu. Halere, denek ez ditugu bestak modu berean bizitzen, hori argi dago. Indarkeria sexistek eta horiek pairatzeko mehatxuek emakumeen eta LGTBI+ pertsonen gozamena mugatzen dute, desberdintasun handi bat sortuz. Bestak bizitzaren erdigunean daude, ideia eta baloreen munduarekin estuki lotuak daude eta, hortaz, herriaren nortasunarekin eta jendarte egiturarekin ere bai. Bestetan burutzen diren ekintzak erranahi politiko eta sinbolikoa duten kultur adierazpenak dira eta gure kultura ezaugarritzen dute.

Imagen Herrietako bestak jasangarriagoak, euskaraz eta indarkeria sexistarik gabekoak izan daitezen bilkurak egin ditu Baztango Udalak herrietako Besta Komisioekin

Herrietako bestak jasangarriagoak, euskaraz eta indarkeria sexistarik gabekoak izan daitezen bilkurak egin ditu Baztango Udalak herrietako Besta Komisioekin

Udan herri guzietan bestak izanen direla-eta Baztango Udalak hainbat bilkura egin ditu herrietako Besta Komisioetako ordezkariekin. Honako gaiak landu dituzte bertzeak bertze: euskara, jasangarritasuna, genero rol eta estereotipoak eta indarkeria sexista. Arras garrantzitsua da bestak antolatzen dabiltzanak kontziente izatea bestetan ere indarkeria sexistarik gabeko gune seguruak behar ditugula; euskaraz solas egitea eta musika ere euskaraz aditzea beharrezkoa dela; eta ahalik eta besta jasangarrienak izatea ere beharrezkoa dela.

Karrikak kolorez betetzen, aniztasuna balioan paratzen

Hondar urteetan gorroto-diskurtso LGTBI+fobikoak modu arriskutsuan naturalizatu dira, erasoek goiti egin duten moduan. Hortaz, herritar guziekin batera sexu joera ororekiko errespetua aldarrikatzea arras garrantzitsua da, baita haur eta nerabeekin ere.