Seme-alaben heziketa afektibo-sexuala modu hautemanezinean eta nahi gabe hasten da bizitzako lehen urteetatik. Horregatik, ezinbertzekoa da familiei eta hezkuntza-sistemako profesionalei laguntzea, haurren, nerabeen eta gazteen garapen afektibo-sexualerako eta hazkunderako informazioa, aholkularitza eta prestakuntza eskainiz.
Gizonek* eta emakumeek* berdintasunean eta diskriminaziorik gabe elkarrekin bizitzeko moduko jendartea eraiki nahi badugu, ezinbertzekoa da gure seme-alabei eta gure ikasleei kalitatezko hezkuntza afektibo eta sexuala ematea.
Horrela, gure seme-alabekin eta gazteekin espazioak partekatzen dituztenen prestakuntzari esker, sexu- eta ugalketa-osasunari buruzko jarrerak hobetu daitezke, baita ezagutzak eta laguntzeko gaitasunak zabaldu ere, baina, gainera, sexu- eta genero-indarkeria eta genero-diskriminazioa prebenitzen eta murrizten laguntzen du.
Gainera, teknologia berrien gorakadarekin, hezkuntza-curriculumean sexu-heziketarik ez izatearekin eta oraindik presente dauden genero-desberdintasunekin, inoiz baino beharrezkoagoak dira hezkuntza afektibo-sexual osasuntsua lortzen lagunduko duten baliabideak.
Ildo horretan, Baztan-Urdazubi-Zugarramurdiko Gizarte Zerbitzuak, Baztango Udaleko Berdintasun Zerbitzuarekin elkarlanean, hurrengo hitzaldi-ziklora gonbidatu nahi ditu familiak, gurasoak eta hezkuntza-sistema formaleko eta ez-formaleko profesionalak. Berhezi izango da hitzaldi-zikloan bidelagun.
Sexualitatea hainbat bizitzako etapatan aztertuko da, eta gure haurren, nerabeen eta gazteen sexualitateari laguntzeko tresnak emanen dira.
(Hitzaldi guztiak euskaraz izanen dira.)
Luzapenari esker, 2026an eta 2027an oraindik burutu gabe dauden ekintzak garatzen segituko da. 2028a berriz, kanpo-ebaluazioa egiteko urtea izanen da; urte horretan eginen da planaren ebaluazio orokorra, berdintasunaren egoeraren diagnosia eguneratuko da, eta Baztango Emazteki* eta Gizonen* Berdintasunerako III. Plana prestatzeko oinarriak landuko dira.
Martxoak 8 Emakumeen Nazioarteko Eguna dela eta, Nafarroako Toki eta Lurralde Entitateek ezinbesteko errealitate bat gogorarazi nahi dugu: gaur egun barneratuta ditugun eta gure eguneroko bizitzaren parte diren eskubide eta askatasun asko mugimendu feministaren borrokei eta historian zehar emakumeen antolamendu kolektiboari esker lortu dira.
Martxoaren 8an Emakumearen Eguna dela eta, Sakanako, Baztango, Bortzirietako, Malerrekako, Larraun aldeko, Leitza aldeko eta Ultzama aldeko berdintasun eta euskara zerbitzuek Emakume* izateko 60 modu izeneko irakurketa-gida kaleratu dute.
