TRANSIZIOAN ZAINDUZ
Baztango Gizarte, Kirol eta Berdintasun Zerbitzuek klimaterioan eta menopausian ongizate integrala sustatzeko programa bat martxan paratuko dute.
2023ko ekainak 19
Bortzirietako eta Baztango Berdintasun Zerbitzuek indarkeria matxista kasuen arretan profesionalen gaitasunak sakondu eta hobetzeko ikastaroak egin dituzte
Indarkeria matxista kasuetan ematen den arretan profesionalen gaitasunak sakondu eta hobetzeko helburuarekin Baztan eta Bortzirietako Berdintasun Zerbitzuek hainbat prestakuntza saio antolatu dituzte gure bailarako profesionalendako. Malerrekan Berdintasun Zerbitzurik egon ez arren, bertako profesionalei ere gonbitea luzatu zitzaien, lurralde osoan zehar genero indarkeriaren arretan gaitasunak hobetzeko helburuarekin.
Indarkeria matxista kasuetan ematen den arretan profesionalen gaitasunak sakondu eta hobetzeko helburuarekin Baztan eta Bortzirietako Berdintasun Zerbitzuek hainbat prestakuntza saio antolatu dituzte gure bailarako profesionalendako. Malerrekan Berdintasun Zerbitzurik egon ez arren, bertako profesionalei ere gonbitea luzatu zitzaien, lurralde osoan zehar genero indarkeriaren arretan gaitasunak hobetzeko helburuarekin.
Prestakuntza prozesu hau indarkerian esku-hartzen duten arlo desberdinetako langile publikoei zuzendu zaie, horrez gain, mugimendu feministari zuzendutako saio ireki bat ere egin da, talde feministak emakumeendako indarkeria kasuetan laguntza eskatzeko erreferente direla ulertuz.
Apirilaren 27an izan ziren lehen bi saioak Etxalarren, lehenik goizez langileei zuzendua eta arratsaldez mugimendu feministarekin egindako saio irekia. IRULE Abokatuak elkarteak eskaini zuen eta arlo judizialetik aztertu zen indarkeria matxistaren gaia.
Hirugarren eta laugarren saioak Elizondoko Arizkunenean egin dira, maiatzaren 25ean eta ekainaren 1ean hain zuzen ere. Saio hauek PSYLAN psikologia zentroko profesionalekin egin dira eta arlo psikologikotik aztertu zen genero indarkeriaren gaia.
Prestakuntza prozesu honetan Baztango, Malerrekako eta Bortzirietako langile ugarik hartu dute parte, hala nola, Gizarte Zerbitzuek, Osasun arloko Gizarte langile, Sexu Osasun eta Ugalketa Zentroko langileek, Foruzaingoak, Udaltzaingoak, Berdintasun Zerbitzuek eta baita arlo pribatuko terapeutak ere.
Partaide kopuruari dagokionez, 21 pertsonek jaso zuten osotara arlo judizialeko
ikastaroa IRULE Abokatuak elkartearekin. PSYLAN Psikologia Zentroak eginiko prestakuntzari dagokionez, 23 pertsona izan dira guztira.
Baztan eta Bortzirietako Berdintasun Zerbitzuek balorazio ona egin dute prozesu honen inguruan eta profesionalei prestakuntzarako tresnak eskura paratzearen garrantzia azpimarratu dute, ezinbertzekoa baita genero indarkeria kasuetan arreta egokia bermatzeko.
ERLAZIONATUTAKO BERRIAK
Bortzirietako, Malerrekako, Bertizanarako eta Baztango Berdintasun Zerbitzuek, ERAIKIZ Kolektiboarekin batera, eskualdeko gizonentzako berdintasuna lantzeko taldearen II. edizioa martxan jarriko dute
Taldearen aurkezpen eta antolaketa bilera irailaren 18an, ostirala, 17:00etan, Doneztebeko Galbaraialde eraikinean izanen da. Hizkuntza: Euskaraz.
Baztango Gizarte eta Berdintasun Zerbitzuek AMARTEANen edizio berri bat sustatu dute
2026ko lehen edizioaren esperientziaren ondoren, taldeak ikasturte berri bati ekinen dio, berriz ere amen parte-hartze aktiboa baliatuz. Horregatik, saioak hasi aurretik antolaketa-bilkura bat eginen da, eta bertan parte-hartzaileek elkarrekin erabakiko dituzte taldearen funtzionamendua, saioen maiztasuna, ordutegiak, datak, landu nahi dituzten gaiak eta lan egiteko modua.