“Amatasunaren inguruko errepasoa” hitzaldiak emanen dio hasiera AMArtean zikloari, Estitxu Fernandez lesakarrarekin
Datorren maiatzaren 13an, 17:00etan hasita, Arizkuneneako hitzaldi aretoan, hitzaldi irekia izanen da Estitxu Fernandez idazle lesakarrarekin. Jarduera hau AMArtean zikloaren barruan kokatzen da. Oinarrizko Gizarte Zerbitzuen eta Baztango Udalaren Berdintasun Zerbitzuaren ekimena da, amatasunen inguruko hausnarketarako eta topaketarako guneak sortzeko, begirada kritiko eta komunitario batetik abiatuta.
Baztango Udala “AMArtean” zikloaren bidez gogoeta kolektiborako gune bat abiarazten du, amatasunen inguruan
Baztango Udalak, Berdintasun eta Oinarrizko Gizarte Zerbitzen eskutik, “AMArtean” jarduera zikloa aurkezten du. Proposamen honek amatasunaren esperientzien inguruko topaketa, gogoeta eta sentsibilizaziorako gune bat sortzea du helburu. Herritar guziei zabalik dauden hitzaldi eta jarduera kulturalez osatutako ziklo bat da, ikuspegi literariotik abiatua eta gorputza eta bizipenetan oinarrituta, loturak ehuntzeko eta amatasun garaikidearen inguruan gogoeta kritikoa pizteko.
“KUIR ihes gela”: haur eta gaztetxoei zuzendutako ihes-gela dibertigarria Arizkunenean
Baztango Udaleko Berdintasun Zerbitzuak “KUIR ihes gela” izeneko jarduera berezia antolatu du maiatzaren 15erako, ortzeguna, Arizkuneneako beheko solairuan, 18:00etan. Ekintza hau 8 eta 12 urte bitarteko haur eta gaztetxoei zuzenduta dago, eta parte hartzeko izen-ematea ezinbertzekoa da.
