Baztango eta Bortzirietako Berdintasun Zerbitzuetatik gonbidapen berezi bat egin nahi diegu komunitate osoari, eta bereziki, gure bailaretako gizonei*, “Eta eskualdeko gizonak, zer?“ jarduerarekin bat egin dezaten. Berdintasunaren alde egiteko eta indarkeria matxistak desagerrarazteko pentsatutako gunea izan nahi du.
Eraikiz, gizonak berdintasunerako bidean elkartearen dinamizazioa izanen dugu eta ekimenak bi topaketa mota izanen ditu eskualde bakoitzean:
Hitzaldi irekiak herritar guzientzako. Bertan, Nafarroan gizonekin* garatutako esperientziak ezagutuko ditugu, gizonek* berdintasunaren sustapenean eta gure udalerrietan indarkeria matxistak ezabatzean paper aktiboa izan dezaten jendarte berdinzaleago baterantz.
- Bera: apirilak 4, ortziralea, 18:00etan, Beralandetan.
- Elizondo: apirilak 11, ortziralea, 17:30ean, Arizkunenean.
Gizonentzako* bilerak, berdintasunaren sustapenean lan egiteko nola antolatu aztertu nahi dutenei zuzenduak. Berdintasunaren sustapenean gizon* gazte eta helduekin nola lan egin aztertu nahi da. Elkarrizketarako gunea izanen da, eta bertan erabaki ahal izanen dugu nola konprometitu: modu autonomoan ala laguntza profesionalarekin? Aldizkako tailer edo topaketen bidez? Nola eta zer gai heldu nahi ditugu? Zertan zentratu nahi dugu? Zein ikuspegietatik?
- Bera: maiatzak 10, larunbata, 10:00-12:30 bitartean, Beralandetan.
- Elizondo: maiatzak 17, larunbata, 10:00-12:30 bitartean, Arizkunenean.
Berdintasun Zerbitzuetatik, Xareta, Baztan, Bertizarana, Malerreka eta Bortzirietako gizon* guziak animatu nahi ditugu prozesu honetan parte hartzera eta gizarte berdinzaleago baterantz doan eraldaketa feministan modu aktiboan eta kolektiboan inplikatuz.
Informazio gehiago eta bileretarako izen-emateak honako kontaktu hauen bidez egin daitezke:
Beran (maiatzak 10): Bortzirietako Berdintasun Zerbitzua
berdintasuna@bortziriakberd.eus 722 69 30 78
Elizondon (maiatzaren 17an): Baztango Berdintasun Zerbitzua
berdintasuna@baztan.eus 613 00 36 34
Berdintasuna ez baita soilik emakumeen kontua, zuen zain gaude!
