Abenduaren 3a, EUSKARAREN NAZIOARTEKO EGUNA ospatzeko hainbat ekitaldi antolatu dituzte, elkarlanean, Baztango Euskara Batzordeak, Baztango herriek eta ikastetxeek.
Abenduaren 2an hasita 10era bitartean bada non gozatua. Hemen duzue ekitaldien egitaraua.
Abenduaren 2an, erraterako, hitanoari buruzko bertso-emanaldia izanen da. 
Antolatzaileek honako gonbidapena egin die baztandarrei: Norberak bere etxeko balkoia, karrika, edo herria apain dezala “Euskaraz bizi nahi dut” leloarekin. Kartelak eginez edo/eta puxikak paratuz, nahi den gisan apaindu. Ondotik, nahi duenak, berea kartelari argazkia atera eta Sare Sozialetara igatea proposatu dute #Baztaneneuskaraz traola paratuz.
Gogoratu euskarak egunerokoan behar gaituela!! Euskararen Nazioarteko Eguna abenduaren 3an bada ere, ez utzi euskara egun bakarrerako; solastu, erabili, eta gozatu euskaraz eta euskararekin!!
Luzapenari esker, 2026an eta 2027an oraindik burutu gabe dauden ekintzak garatzen segituko da. 2028a berriz, kanpo-ebaluazioa egiteko urtea izanen da; urte horretan eginen da planaren ebaluazio orokorra, berdintasunaren egoeraren diagnosia eguneratuko da, eta Baztango Emazteki* eta Gizonen* Berdintasunerako III. Plana prestatzeko oinarriak landuko dira.
Martxoak 8 Emakumeen Nazioarteko Eguna dela eta, Nafarroako Toki eta Lurralde Entitateek ezinbesteko errealitate bat gogorarazi nahi dugu: gaur egun barneratuta ditugun eta gure eguneroko bizitzaren parte diren eskubide eta askatasun asko mugimendu feministaren borrokei eta historian zehar emakumeen antolamendu kolektiboari esker lortu dira.
Martxoaren 8an Emakumearen Eguna dela eta, Sakanako, Baztango, Bortzirietako, Malerrekako, Larraun aldeko, Leitza aldeko eta Ultzama aldeko berdintasun eta euskara zerbitzuek Emakume* izateko 60 modu izeneko irakurketa-gida kaleratu dute.
