Baztan, Bortziriak, Malerrekako eta Bertizaranako Berdintasun Zerbitzuek berdintasunaren aldeko eskualdeko gizonen taldearen edizio berri bat martxan paratuko dute. Harreman berdinzaleagoak eta indarkeria matxistarik gabekoak eraikitzeko modu aktibo eta kolektiboan inplikatu nahi duten gizonei zuzendutako espazioa da, eta ERAIKIZ Kolektiboaren dinamizazio profesionala izanen du.
Lehen edizioak izan zuen harrera onaren ondoren, taldeak 2. urtea hasiko du elkargune, hausnarketa eta ikaskuntza partekatuko espazio izaten segitzeko helburuarekin. Parte-hartzaileak hilean behin elkartuko dira maskulinitateak, zaintzak, erantzunkidetasuna, indarkeria matxistak, bortxaketaren kultura, harremanak, emozioak eta gizonek gizarte berdinzaleago baten eraikuntzan duten zeregina bezalako gaiak lantzeko.
Taldearen aurkezpen eta antolaketa bilera irailaren 18an, ostirala, 17:00etan, Doneztebeko Galbaraialde eraikinean izanen da. Hizkuntza: Euskaraz.
Taldea Xareta, Baztan, Bertizarana, Malerreka eta Bortzirietako gizonei zuzenduta dago, aurretik antzeko espazioetan parte hartu duten ala ez kontuan hartu gabe. Baldintza bakarra modu aktibo, errespetuzko eta konprometituan parte hartzeko interesa izatea da.
Informazioa eta izen-ematea:
Berdintasun Zerbitzuek eskualdeko gizon guztiak gonbidatu nahi dituzte espazio kolektibo honetan parte hartzera edo, gutxienez, haren inguruko informazioa eskatzera. Izan ere, gizarte berdinzaleago bat eraikitzeko ezinbertzekoa da gizonen inplikazio aktiboa ere.
2026ko lehen edizioaren esperientziaren ondoren, taldeak ikasturte berri bati ekinen dio, berriz ere amen parte-hartze aktiboa baliatuz. Horregatik, saioak hasi aurretik antolaketa-bilkura bat eginen da, eta bertan parte-hartzaileek elkarrekin erabakiko dituzte taldearen funtzionamendua, saioen maiztasuna, ordutegiak, datak, landu nahi dituzten gaiak eta lan egiteko modua.
Berdintasunaren aldeko bidea ezin da emakumeen bizkar gainean bakarrik utzi; gizonen, herriko eragile desberdinen eta jendarte osoaren konpromisoa eta inplikazioa ezinbertzekoak dira aldaketa erreal bat lortzeko. Abiatu dugun bide hau etengabeko prozesu baten lehen urratsa bertzerik ez da.
Baztan aniztasunean oinarritutako bizikidetzaren erreferente izatea nahi dugu. Baztan guztion etxea da, eta etxe horretan pertsona guztiek izan behar dute beren nortasuna askatasunez bizitzeko aukera. Horregatik, Baztango Udalak herritar guztiak gonbidatzen ditu Harrotasunaren Nazioarteko Egunaren harira antolatuko diren ekimenekin bat egitera eta sexu- eta genero-aniztasuna errespetatzen eta baloratzen duen herri bat eraikitzen segitzera.
