Irailaren 11n, 17:00etan, Arizkuneneako hitzaldi aretoan, Estitxu Fernandez etorriko zaigu berriro, ezinbertzeko hitzaldi bat emateko: indarkeria obstetrikoa gai zentral bezala hartzen duen hitzaldi bat. Jarduera hau Baztango Udaleko Oinarrizko Gizarte eta Berdintasun Zerbitzuak antolatutako AMArtean zikloaren udazkeneko programazioaren parte da.
Indarkeria obstetrikoa erakundeek haurdunaldian, erditzean eta erditu ondoren pairatzen duten indarkeria mota bat da, aunitzetan eta gehienetan naturalizatua eta ikusezina. Konferentziak eskubideak urratzen dituzten, gorputzak isilarazten dituzten eta baimen informaturik gabeko esperientziak medikalizatzen dituzten ohiko jardunbideak aztertuko ditu.
Indarkeria-mota horri buruz informatzea funtsezkoa da indarkeria prebenitzeko eta sexu- eta ugalketa-osasuneko prozesu guzietan tratu duina eskatzeko. Hori aitortzea ahalduntze-modu bat da, baina baita profesionalen, erakundeen eta herritarren erantzukizunaren aldeko deia ere.
Ez dira soilik amak edo etorkizuneko amak. Giza eskubideak dira. Herritar guziak animatzen ditugu pertsonengan oinarritutako errespetuzko arreta baten eraikuntzan parte hartzera, entzutera eta inplikatzera.
Luzapenari esker, 2026an eta 2027an oraindik burutu gabe dauden ekintzak garatzen segituko da. 2028a berriz, kanpo-ebaluazioa egiteko urtea izanen da; urte horretan eginen da planaren ebaluazio orokorra, berdintasunaren egoeraren diagnosia eguneratuko da, eta Baztango Emazteki* eta Gizonen* Berdintasunerako III. Plana prestatzeko oinarriak landuko dira.
Martxoak 8 Emakumeen Nazioarteko Eguna dela eta, Nafarroako Toki eta Lurralde Entitateek ezinbesteko errealitate bat gogorarazi nahi dugu: gaur egun barneratuta ditugun eta gure eguneroko bizitzaren parte diren eskubide eta askatasun asko mugimendu feministaren borrokei eta historian zehar emakumeen antolamendu kolektiboari esker lortu dira.
Martxoaren 8an Emakumearen Eguna dela eta, Sakanako, Baztango, Bortzirietako, Malerrekako, Larraun aldeko, Leitza aldeko eta Ultzama aldeko berdintasun eta euskara zerbitzuek Emakume* izateko 60 modu izeneko irakurketa-gida kaleratu dute.
