Baztandarrek gaur goizaldeko 5:00etan hartu dute KORRIKAren lekukoa, Izpegin, eta 40 km-ko ibilbidea osatu artio ibili da Korrika Baztanen barrena.
Bailarako eragile aunitzen eskuetatik pasatu da lekukoa: Baztango Gazte Asanbladak hartu du lehenbizikoa eta Jubilatu mendizaleek hondarrekoa. Tartean eraman dute ikastetxeek, Guraso Elkarteek, aisialdi eta kirol elkarte eta taldeek, gazteek, Baztango AEK-k, suhiltzaileek, eta Baztango herriek nola BAZTANGO UDALAk.
Beheitiko argazkian Joseba Otondo alkatea, zinegotziak eta udaleko langileak ageri dira BAZTANGO UDALAK lekukoa hartu duen unean.
ARGAZKI GEHIAGO KORRIKAko lotura honetan: https://cutt.ly/tFrCoHL
Martxoak 8 Emakumeen Nazioarteko Eguna dela eta, Nafarroako Toki eta Lurralde Entitateek ezinbesteko errealitate bat gogorarazi nahi dugu: gaur egun barneratuta ditugun eta gure eguneroko bizitzaren parte diren eskubide eta askatasun asko mugimendu feministaren borrokei eta historian zehar emakumeen antolamendu kolektiboari esker lortu dira.
Martxoaren 8an Emakumearen Eguna dela eta, Sakanako, Baztango, Bortzirietako, Malerrekako, Larraun aldeko, Leitza aldeko eta Ultzama aldeko berdintasun eta euskara zerbitzuek Emakume* izateko 60 modu izeneko irakurketa-gida kaleratu dute.
Euskal Herriko landa-eremuko bortz pertsona queerren bizipenak, hausnarketak eta sentsazioak biltzen ditu ‘Xerka’ fotokazetaritza proiektuak, eta LGTBIQ+ komunitateak herrietan bizi duen erbesteratze prozesu isila lantzen du
