MENDEKOTASUNA DUEN FAMILIAKO NORBAIT ZAINTZEN DUZU?
PARTE HARTU!!!
2023ko apirilak 11
LITERATURA GERALDIAK 2023
2023. urteko udaberriarekin batera ekimen berria paratu dute martxan Baztango Udalak, Bortzirietako Euskara Mankomunitateak, Nafarroako Iparraldeko Euskara Mankomunitateak eta Sakanako Mankomunitateak, LITERATURA GERALDIAK izenekoa.
2023. urteko udaberriarekin batera ekimen berria paratu dute martxan Baztango Udalak, Bortzirietako Euskara Mankomunitateak, Nafarroako Iparraldeko Euskara Mankomunitateak eta Sakanako Mankomunitateak, LITERATURA GERALDIAK izenekoa.
Hauen helburua euskaraz irakurtzeko ohitura eta zaletasuna zabaltzea, herritarren euskarazko kultur kontsumoa indartzea, euskal liburugintza indartzea, liburutegi publikoen erabilera bulkatzea eta esperientzia literarioak konpartitzea izanen da.
Antolatutako saio hauetatik 2 Baztanen burutuko dira, Liburuaren egunaren bueltan:
- Apirilaren 19an, Baztango Liburutegi Publikoan, 18:00etan: IRAKURBIDE FEMINISTAK EUSKAL LITERATURAN Hitzaldia Iratxe Retolaza idazlearekin.
Hitzaldi honen asmoa da literaturak feministondako zertarako balio duen erakustea. Baita hausnarketa egitea ere, heziketa literario bat jaso dugula, eta heziketa horretan, oharkabean, balore batzuk jaso ditugula denok. Nahi ala ez, eredu batzuk, kanon asko, ikuspegi matxista batetik ezarriak dira.
- Apirilaren 26an, Baztango Liburutegi Publikoan, 18:00etan: IDAZLEEN GORPUTZAK liburuaren inguruan hitzaldia Eider Rodriguez-en eskutik.
Idazleak, literaturaren inguruko hausnarketa eta kritika ez ezik, emakumeek literaturan duten tokiaren inguruko datuak eta emakume idazleen ahotsak dakartza liburu honetan.
Antolatzaileak: Idazleekin Solasean elkartea eta Baztango Udaleko Euskara eta Berdintasun Zerbitzuak.
ERLAZIONATUTAKO BERRIAK
Baztango Udalak Berdintasunerako II. Plana luzatzea adostu du
Luzapenari esker, 2026an eta 2027an oraindik burutu gabe dauden ekintzak garatzen segituko da. 2028a berriz, kanpo-ebaluazioa egiteko urtea izanen da; urte horretan eginen da planaren ebaluazio orokorra, berdintasunaren egoeraren diagnosia eguneratuko da, eta Baztango Emazteki* eta Gizonen* Berdintasunerako III. Plana prestatzeko oinarriak landuko dira.
Martxoak 8 – FEMINISMOARI ESKER… GAUR IZAN, EGON, ESAN ETA ERABAKI DEZAKEGU
Martxoak 8 Emakumeen Nazioarteko Eguna dela eta, Nafarroako Toki eta Lurralde Entitateek ezinbesteko errealitate bat gogorarazi nahi dugu: gaur egun barneratuta ditugun eta gure eguneroko bizitzaren parte diren eskubide eta askatasun asko mugimendu feministaren borrokei eta historian zehar emakumeen antolamendu kolektiboari esker lortu dira.