MENDEKOTASUNA DUEN FAMILIAKO NORBAIT ZAINTZEN DUZU?
PARTE HARTU!!!
2025eko irailak 22
“Lotura Basatiak” antzerki-performancea Iruritan, ama izatea ere borroka modu bat dela gogorarazteko peiza eszenikoa
Irailaren 26an, ortzirela, 19:00etan, Iruritako Gizarte Bilgunean, “Lotura basatiak” performancea aurkeztuko da, Oinarrizko Gizarte Zerbitzuek eta Baztango Udaleko Berdintasun Zerbitzuak bultzatutako AMArtean zikloaren baitan. Pieza eszeniko hau proposamen artistiko bat da, amaren esperientziaren inguruan sortzen diren lotura ikusezinak eta batzuetan basatiak aztertzen dituena.
“Lotura Basatiak” ez da ohiko antzezlana. Gorputzaren eta emozioen interbentzioa da. Publikoa ama dutenen barne munduan sartzera gonbidatzen gaitu, beren kontraesan, ahalmen eta hauskortasunekin. Gorputza, mugimendua eta hitza elkartzen dira pieza honetan, eta zainketaren eta loturen sakonera eta erraietara jotzen du.
Performance honen indarra moldeak hausteko duen gaitasunean datza. Amatasunari buruzko diskurtso nagusiaren —idealizatua, gozoa, isila— erosotasunetik irteteari erronka egiten digu, esperientzia errealak, batzuetan deserosoak eta beti beharrezkoak, sortzeko. Artea, kasu honetan, erresistentzia eta adierazpen politikorako modu bihurtzen da.
Performance honetara joatea gomendatzen dugu. Ez da beharrezkoa ama izatea hunkitzeko, ezta jokoan dagoena ulertzeko ere. Nahikoa da begi bistakotik haratago begiratzeko prestasuna izatea. “Lotura Basatiak” ekimenak guztiok interpelatzen gaitu, eta gogorarazten digu ama izatea ere borroka modu bat dela.
ERLAZIONATUTAKO BERRIAK
Baztango Udalak Berdintasunerako II. Plana luzatzea adostu du
Luzapenari esker, 2026an eta 2027an oraindik burutu gabe dauden ekintzak garatzen segituko da. 2028a berriz, kanpo-ebaluazioa egiteko urtea izanen da; urte horretan eginen da planaren ebaluazio orokorra, berdintasunaren egoeraren diagnosia eguneratuko da, eta Baztango Emazteki* eta Gizonen* Berdintasunerako III. Plana prestatzeko oinarriak landuko dira.
Martxoak 8 – FEMINISMOARI ESKER… GAUR IZAN, EGON, ESAN ETA ERABAKI DEZAKEGU
Martxoak 8 Emakumeen Nazioarteko Eguna dela eta, Nafarroako Toki eta Lurralde Entitateek ezinbesteko errealitate bat gogorarazi nahi dugu: gaur egun barneratuta ditugun eta gure eguneroko bizitzaren parte diren eskubide eta askatasun asko mugimendu feministaren borrokei eta historian zehar emakumeen antolamendu kolektiboari esker lortu dira.