Ongi etorri! Hemen euskaraz bizi gara argitalpena sortu zuten joan den urtean Baztan, Bortziriak eta Malerrekako Euskara Zerbitzuek turistendako. Aste Santuan eskualdean izanen den turismo mugimendua aurreikusiz, berriz zabalduko da esku orri hau egun hauetan. Hiru eskualdeetako turismo bulego eta toki turistiko garrantzitsuenetan paratuko da, baita euskara zerbitzuetan eta udaletxeetan ere.
Bi formatutan eskuratzen ahal da: paperean eta PDFan, sakelakoetan erraz erabiltzeko moduan.
Argitalpenak Baztan, Bortziriak eta Malerrekako hizkuntza errealitatearen berri ematen duen azalpen labur bat dakar euskaraz, gazteleraz, frantsesez, katalanez eta ingelesez. Azalpenean azpimarratzen da eskualde hauetan euskara hizkuntza bizia dela. Era berean, bisitariei ahal duten neurrian euskara erabiltzeko gonbita egiten zaie. Horretarako oinarrizko hiztegi bat erantsi da, gaztelera, frantsesa, katalana eta ingelesera itzulia. Horrekin batera QR kode bat agertzen da, eta lotura horrek euskarako hiztegia hizkuntza gehiagotara itzultzeko aukera ematen du (eta alderantziz).
Euskara zerbitzuek, Uraren Bailarak eta Baztan-Bidasoa Turismo Elkargoaren laguntza izan dute argitalpena turisten artean banatzeko.
KLIKATU IRUDIAREN GAINEAN PDFa irakurtzeko:
Izen-emateak irailaren 16tik 30era egonen dira zabalik. Interesatuek izena eman dezakete 689 03 50 78 telefonora deituz edo gizartezerbitzua@baztan.eus helbidera posta elektroniko bat bidaliz. Plazak mugatuak direnez, familiak ahalik eta azkarren izena ematera animatzen ditugu.
Udalerri euskaldunetako gazteentzako udalekuak antolatu ditu aurten ere UEMAk. Aurten bi txanda izango dira: ekainaren 24tik uztailaren 2ra, eta uztailaren 4tik 12ra. Osti...
Baztango euskararen egungo diagnostikoa osatuta, orain, hurrengo 5 urteetarako plana diseinatu behar dugu eta horretarako ere, herritar guztien hitza aditu nahi dugu....
