Ayuntamiento de Baztan

• Lodifobia eta estetikaren esklabotzaren inguruko HITZALDIA, Mijo Lizarzabururen eskutik

IKUSI HITZALDIA HEMEN: https://www.youtube.com/watch?v=k2yHFvVvtIs

Sistema honetan emakumeak ez gaude inoiz gure gorputzarekin guztiz konforme, gorputzarekin lotutako genero-estereotipoek diskriminazioa indartzen dute eta emakumeen askatasuna mugatzen dute. Esparru feministetan gero eta gehiago hitz egiten da “lodifobia”ri buruz, ez depilatzeari buruz, ezgaitasunen bat duten pertsonen zein adineko emakumeen balioari edota sexualitateari buruz. Gorputz, desio eta sexu praktika anitzak politikoki aldarrikatzea behar-beharrezkoa da, baina benetan lortu al dugu edertasunaren agindu zorrotzak kolokan jartzea? Uda garaian bikini-operazioa ahaztea eta gorputzak eta desioak deskolonizatzea izan daiteke erronka.

📆 Martxoak 9, ortzeguna ⏰ 18:30
📍 Arizkuneneako hitzaldi aretoan (azken solairuan)

• EUSKALGINTZA ETA FEMINISMOAREN ARTEKO LOTURAK

Abenduaren 15ean, Elizondoko kultur etxean (Arizkunenean), 18:00etan, Lorea Agirre eta June Fernandez (kazetariak eta eragile feministak) euskalgintza eta feminismoaren arteko loturen inguruan solastatu ziren.

Genero berdintasuna eta euskararen erabilera bulkatzea antzekotasun aunitz dituzten bi prozesu pertsonal, sozial eta politiko dira. Gaur egun, emakume izateak eta euskaraz bizitzeak zailtasun erantsiak dakartza. Zapalkuntza mekanizazio berdinak badira, hortik ateratzeko estrategiak ere berdintsuak izan daitezke, eta praktikak partekatzea onuragarri izan daiteke.

📅 2022ko abenduak 15, ortzeguna    🕕 18:00etan

📍 Arizkunenean

• EMAKUMEENDAKO* AHALDUNTZE LANTEGIA

Autoestimu Feministan trebatzeko ikastaro honen bidez, jarrera feminista zer den definitzen saiatu nahi dugu. Gure buruaren jabe izateak zein adierazpen hartzen dituen, zein zaila den aunitzetan, gure buruaren alde egitea, emakumeoi* bertzeen menpeko eta bertzeen beharren arabera antolatzen irakatsi izan digutenean.

📅 2022ko abenduak 21 eta 22    🕕 17:30 – 20:30

📍 Arizkunenean (lehenbiziko solairuan)

👩‍🏫 Hezitzailea: Emagin Elkartea

• AZAROAREN 25A – EMAKUMEEN KONTRAKO INDARKERIAREN AURKAKO NAZIOARTEKO EGUNA

Informazio guzia hemen

• ERAIKUNTZA MASKULINOA? Gizonendako berdintasuna sustatzeko lantegia

Gure maskulinitatea, eraikia edo naturala da? Zer ondorio ditu gugan? Eta gure ingurukoengan? Aita izateko moduan ere eragiten du?

Jasotako gizarte eta hezkuntza espezifikoa nolakoa izan den aztertuko da, baita horrek agintearen kudeaketan, erregistro emozionalean, gure harremanetan, berdintasuna eraikitzeko praktiketan… duen eragina ere.

📅 2022ko azaroaren 2a, 9a eta 16a 🕕 17:30-20:30

📍 Arizkunenea, batzar gelan

HIZLARIAK: Eraikiz Kolektiboa

Emakumeek* aurrerapauso bat egin zuten aspaldi, haien matxismo barneratua aztertzen hasi eta eraldaketa pertsonal, kolektibo eta soziala abiaraziz. Eta zuk, ez duzu ezer errebisatzeko?

• “Sendabelarrek dakitena” liburuaren aurkezpena Garbiñe Larrea Iturralderekin

2022ko urriak 7, ortziralea  18:00etan

 Arizkuneneako hitzaldi aretoan (3. solairuan)

• Landa Eremuko Emakumeen Nazioarteko Egunaren bueltan “Erroa eta geroa” dokumentalaren proiekzioa – BERDINZINEMA

2022ko urriak 19, asteazkena  18:00etan

 Arizkuneneako hitzaldi aretoan (3. solairuan)

• Baztango II. Berdintasun Plana mugimendu feminista eta herritarrekin eraikitzen. 2022ko ekainak 8, asteazkena, 17:30etan, Arizkunenean.

Duela hilabete batzuk “Baztango emakume eta gizonen berdintasunerako I. Plana” ebaluatu genuen. Ariketa hori baliatu genuen aitzinera begira erronkak identifikatzeko.

Orain, II. Berdintasun Planaren zirriborroa zuekin kontrastatzeko tenorea heldu da.

EHUNDU DEZAGUN BERDINTASUNA DENON ARTEAN, ZUK ERE BADUZU ZER ERRAN ETA ZER EGIN!!

ANIMATU ETA PARTE HARTU!!

• KATTALINGUNE zerbitzuaren aurkezpena, LGTBI+ kolektiboa ezagutzen. 2022ko maiatzak 12, 18:00etan, Arizkuneneako hitzaldi aretoan (azken solairuan)

Kattalingune Nafarroako Gobernuaren LGTBI+ zerbitzuaren aurkezpena eginen da, nolako zerbitzua den, noiz erabili ahal dugun eta zer egiten duen azalduz.

Honetaz gain, LGTBI+ errealitatera gerturatuko gara siglak aztertuz eta haien erranahi eta errealitate anitzei buruz solastatuz, hala nola, sexu eta genero aniztasuna balioan jarriz.

NORENTZAT:  Herritar guziendako

HIZLARIAK: Kattalingune Nafarroako Gobernuaren LGTBI+ zerbitzua

• ZINEGOAK: zinema, kultura eta aniztasuna lotzen dituen laburmetrai proiekzioa. IKUSGARRITASUN LESBIKOAREN NAZIOARTEKO EGUNEAN, 2022ko apirilaren 26an, asteartea, 18:00 – 19:30, Arizkuneneako azken solairuan

ZINEGOAK, BILBOKO GAYLESBITRANS NAZIOARTEKO ZINEMA ETA ARTE ESZENIKOEN JAIALDIA BAZTANEN

Zinema, arte eszenikoak eta kultura, oro har, sexu-aniztasunak ematen digun guzia erakusteko, partekatzeko, aurrez aurre paratzeko, zabaltzeko, eztabaidatzeko edo gozatzeko bidea izatea nahi dugu.

Gero eta ohikoagoa da LGTBIQ+ edukiak dituzten pelikulak zinema komertzialetara ailegatzea, baina ez da gauza bera gertatzen film labur eta dokumentalekin.

• Emakumeak eta zainketak. Iruñeko beste argazki memoria bat erakusketa: 2022ko martxoak 15etik apirilaren 1era

Bizitza eta askatasuna egunerokoan arriskuan jarri dituztenei. Anonimoak eta ikusezinak eguneroko zereginetan. Emakume horiek bete-beterik erakusteko. Bere kemen eta grinekin. Iragana etorkizun zalantzagarri honi lotuz. 

Lekua: Arizkuneneako 2. Solairuan

• MARTXOAK 8 – EMAKUMEEN NAZIOARTEKO EGUNA

2022ko otsailaren 24ean Baztango Udalak osoko bilkuran aho batez onartutako Martxoak 8ko adierazpen instituzionala.

• ETXEKO ETA ZAINTZA LANGILEEN LAN-BALDINTZEN INGURUKO SOLASALDIA, 2022ko otsailak 5, larunbata, 16:00 – 18:30,  Arizkunenean.

Zer da etxeko langileen erregimen berezia? Zein dira etxeko langileen oinarrizko lan-baldintzak? Barneko eta kanpoko langileen eta egoera irregularrean dauden langileen baldintzei buruz solastuko gara.

Kasu zehatz batzuk ere azalduko dira, hauen gainean egoera desberdinak aztertzeko.

HIZLARIAK: Arantxa Ordoñez Maria eta Joseba Pagola Lima, LAB Nafarroa Soziokomunitarioko kideak.

• Escape Rooma berdintasunaren alde Baztanen: 2021eko abenduak 28, asteartea, 10:30; 12:00; 13:30; 16:30; 18:00; 19:30, Arizkunenean.

Escape rooma familia eta koadrilendako. Jolas kooperatiboa da,
barnealdeko ginkana bat hain zuzen. Pertsona talde batek probak
gainditu, kodeak eta enigmak deszifratuz giltzarrapoak eta maletak ireki behar ditu barnetik ateratzeko. Berdintasunaren aldeko Escape Room honek iraganera bidaia egitea proposatzen du, XX. mendearen erdialdeko emakumeen* eta gizonen* bizitza irudikatzeko. Soldata arrakala, sufragio unibertsala… gaur  gunera artio lortutakoa agerian geratzen da, baina baita  errealitate gordina eta aitzinerat egiteko gelditzen zaigun lana ere.

• Mugimendu feministarekin eta herritarrekin kontraste lantegia: 2021eko abenduak 18, larunbata, 10:00 – 13:30, Arizkunenean.

Ordura arte plazaratu diren erronka nagusiak aurkeztu eta ondorio hauen kontrastea egiteko eta emaitzak baloratzeko.

• Emakumeendako ahalduntze lantegia: 2021eko abenduak 15 eta 22, asteazkenak, 17:00 – 20:00, Arizkunenean.

Askotan, gazte-gaztetatik ondoeza sentitzen dugu gure ikaskide, lagunarte edota familian. Estereotipo eta genero rolen araberako hezkuntza jaso dugu, guztiok gara jendarte honen ondorio eta horrek gaixotu egiten gaitu. Hau guztia egunero gure gorputzetan islatzen da, gure mugimenduetan, munduan egoteko zein jarduteko moduetan, gure jarreretan, gure gorpuzkeretan. Ikastaro honetan gorputzari eta mugimenduari garrantzi berezia eman nahi diogu eta burua eta arrazoia bezainbeste landu nahi ditugu gorputza eta emozioak.

• Elkarretaratzea EMAKUMEEN AURKAKO INDARKERIAREN KONTRAKO NAZIOARTEKO EGUNEAN: 2021eko azaroak 25, ortzeguna, Elizondoko Plazan, 12:00etan

Indarkeria matxisten aurkako elkarraraztea. Kaleetan jarraituko dugu, indarkeria matxistekin amaitzeko jendarte osoaren konpromisoa eskatzen.

• “Trans egoera. Zorroztu dezagun begirada” mahai ingurua: 2021eko azaroak 4, ortzeguna, Arizkunenea Kultur Etxeko sabaian, 18:00etan.